J’sus natif |
Je suis né | |
Armel DEPOILLYParler picard de Dargnies (Vimeu, Somme) Texte tiré du recueil Canchons d’no poéyis 1970 (épuisé)- ©1970 et publié dans Ch’Lanchron nº19 (1985) Traduction littérale en français de Jean-Luc Vigneux | ||
|
J’sus natif d’un poéyi doù qu’o foait des monts d’cleus. Étant piot, j’ai trinè min tchu din chés limures, Bérzillè des cailleneus, déhansè des serrures, Pi tous mes camarades, ch’est des piots d’ouvrieus, Mourleus et pi fondeus qu’i s’in vont rocholeu À ch’fu d’un tchubilot, au fond d’eune vieille fabrique. Min téon i forgeouot des cleus din s’pieute boutique. Tous mes amis, à mi, ch’est des fius d’serrurieus. J’ai vu min viu grand-pére, long d’eune jornèe, brucheu À chl’étau, arrondir, foaire alleu chor reudrie. M’grand-mére, à cotè d’li, al tornouot chop pérchrie. J’vo l’dis : tous mes viux gins, ch’étouot des foaiseus d’cleus. Min pére il a passè tout s’vie pour noz alveu, À limeu des monts d’piéches in fér et pi in tchuive. I n’gaingnouot point gramint, a n’impétchouot mie d’vive ! Chétleus qu’j’ai l’pu aimès sont morts à travailleu. J’intinds coér, in révant, m’téte édsu mn’oreilleu, Chés martieux tapoteu pi ouigneu chés serrures, Du bout du Corti Nouo, à travers chés patures, Éch buzin d’tout chés piéches in route à s’bérilleu. Achteure, j’ém sins vieillir ; j’n’ai pu qu’à vo dmandeu, Mon Diu, si o voleu bien acouteu m’priére, Édvant d’alleu deurmir din l’fond d’no vieille chinmtiére, D’érvir min poéyi doù qu’o foait des monts d’cleus. |
Je suis né dans un payis où l’on fait des quantités de clefs. Enfant, j’ai traîné mes fesses dans la limaille, Cassé des cadenas, démonté des serrures, Et tous mes camarades ce sont des fils d’ouvriers, Mouleurs et fondeurs qui partent se réchauffer À la chaleur du feu d’un poèle, au fond d’une vieille usine. Mon aïeul forgeait des clefs dans son petit atelier. Tous mes amis, à moi, sont fils de serruriers. J’ai vu mon viu grand-père, totue la journée, brosser À l’étau, arrondir, faire fonctionner la "reudrie". Ma grand-mère, à ses côtés, tournait la machine à percer. Je vous le dis : tous mes ancêtres étaient des faiseurs de clefs. Mon pére a passé toute sa vie pour nous élever, À limer des tas de pièces de fer et de cuivre. Il ne gaignait pas beaucoup, mais ça n’empéchait pas de vivre ! Ceux que j’ai aimés le plus sont morts au travail. J’entends encore, en rêvant, ma tête sur l’oreiller, Les marteaux qui tapotent et les serrures qui grincent, Depuis le bout du Pré Noël, à travers les pâtures, Le bruit de toutes les pièces en train d’être usinées. Maintenant, je me sens vieillir ; je n’ai plus qu’à vous demander, Mon Dieu, si vous voulez bien écouter ma prière, Avant d’aller dormir dans le fond de notre vieux cimetière, De revoir mon village où l’on fait des quantités de clefs. | |
| |||||
|
