Nous sommes chez Fifine et Djusse, dans leur cuisine. C’est une maison bien rangée et organisée. On voit un buffet, une table, quelques chaises, une horlorge... et tout le confort moderne.
À gauche une porte qui s’ouvre vers l’extérieur ; une autre porte à droite (elle s’ouvre dans leur chambre) ; au milieu de la pièce une troisème porte sur laquelle est fixé un porte-manteau (il aura bientôt son utlité).
Fifine essuie la vaisselle. Elle rouspète un peu. Djusse lit son journal, en fumant la pipe. Il parle seul, indistinctement. Quand...
Scène 1
Fifine : Ah, j’ai pu d’produit. I feut nin racater.
Djusse : Acater ! Acater, i feut tojours acater...
Fifine : J’én m’in vos point laver à l’ieu claire, tout d’meume.
Djusse : T’os raison. Acate s’i nin manque. (I rquéminch’t leuz ouvrage).
Djusse : Ta qu’t’y sro, tu prindros tou du toubac.
Fifine : Coér ?
Djusse : Oh ! Tu n’vos point dire qu’éj t’infeume ! Juste éne tchote bouffèe aveuc min jornal, in chuchant min cafè apreu minger, ch’est point éxagérer... Pi ch’est conme tin produit, ch’patchet il est vide.
Fifine : Mets llé su chol liste. J’y pinsrai in allant à conmissions (Djusse il écrit ch’qu’i feut su éne feuille éd papier). Bè ch’Djusse, rajoute étou du chuque, du lait, du sé, dol fraine...
Djusse : Ch’est ti toute ?
Fifine : Nan, i m’feut coér édz eus, du cafè, éne démi live éd beurre...
Djusse : T’éroais aussi vite foait d’écrire ti meume !
Fifine : J’én peux point, mes mains i sont fraiques !
Djusse : Bon, n’monte point in prousse, ém tchote Fifine !
Fifine : Attinds ch’est point toute... I feut coér des pémes é terre, des poérions, un chitron, des pémes d’orange, éne coupe éd poéres, un bout d’lèrd, du fricot pour diméche...
Djusse : Tu rcheus, don ? Tchèche qu’i vient ?
Fifine : Parsonne, mais o n’ons pu rien !
Djusse : Tu t’in vos dévaliser chés boutiques !
Fifine : A foait pu d’huit jours éq j’ai point tè déhor. Éj n’ose pu y aller.
Djusse : À cœuse, don ?
Fifine : Tu m’édmandes à cœuse. Bè o voét bien qu’ch’est point ti qu’tu t’y frottes à chés conmissions !
Djusse : Éj travaille, éj n’ai mie l’temps d’aller in ville, pi d’triner din chés boutiques, mi.
Fifine : Ch’est mie o qu’éj dis. Tu sais bien...
Djusse : Quoè qu’éj sais ?
Fifine : Ch’est qu’au momint d’poéyer...
Djusse : Mi, poéyer ? Janmoais !
Fifine : Vlo ! Ch’mot il est lachè ! Janmoais... Mais à cœuse, voéyons, à cœuse qu’o n’poéyons pu rien neune pèrt... J’én comprinds point !
Djusse : Ch’est d’trop tchér !
Fifine : Mais a n’o mie d’sin... Toute il o un prix. I feut poéyer...
Djusse : Mi, poéyer ? Janmoais !
Fifine : Afin, o n’o rien sans rien
Djusse : Pétète. Chatchun i foait à s’mode. Mais mi j’én poérai point.
Fifine : Tais tté, j’intinds qu’o buque à no porte... (...)
(à suivre dans : "Mi, poéyer ? Janmoais !")
"Mi, poéyer ? Janmoais" supplément à Ch’Lanchron nº 99 :
2,50 euros le numéro de 8 pages (3,30 euros franco)
