|
Chés roses éd Picardie1er coupletAveuc ses zius du bleu d’la mér, Colinette al ravise chés hétresses, Al djigne, al trainaille, al attind Lo qu’él cavèe blanque a s’intchaisse. Éne canchon al monte din ch’temps calme, Conme éch vint qu’i s’émeut alintour. Al acoute, al s’inlèrme, al tranne. Ch’est s’premiére canchonnette d’anmour. Refrain Au momint d’chés roses in Picardie, Din l’rousèe d’érgint a s’épénit. Chés roses is fleurit’t in Picardie, Mais n’y én o poé d’pu belle éq ti ! Chés roses is vont mourir au bout d’chés bieux jours, Si janmoais nos cmins is leu sépèr’t I réstroait éne rose vive, coér, in Picardie ! Chol rose lo, j’él warde din min tchœur ! 2nd couplet Chés énèes is fil’t sans nos attinne, Pi vlo dz’ombes édsu ch’temps voélè. Il ainmoait sarrer s’main din les siénes, In rbéyant ch’bleu d’ses zius tchintchets. Al ravise chés abes long d’chu cmin, Y o dz’énèes qu’is n’s’y rvoét’té pu Dpi chl’époque d’él tchote canchon d’chés roses, Qu’ch’est l’darène canchon qu’al euche intindu. Jean-Luc Vigneux 80 Abbeville (mars 2004) |
|
| |||||
|
