Éne présentation
d’échl achuchon
dé « Ch’Lanchron »
Chés mintions obligatoéres
|
« Éch picard din chl’intarnéte »
« Ch’Lanchron » ch’est ch’jornal in picard « tout du long » qu’i s’dessaque édpu l’moé d’avri 1980.
Chl’achuchon du meume nom qu’i sé nn’otchupe il est inguérnè à « foaire vive éch pérlage picard »
(vir à chl’art. 2 d’chés éstatuts officiéls).
L’27 d’octobe 1996, « Ch’Lanchron » il étoait l’préme a s’lancher din chl’Intarnéte in ahansant éne plache qu’al sroait dédièe à ch’picard. Sin tite : « Éch picard din chl’intarnéte ».
Ch’est aladon qu’chés pages-lo, qu’is ont tè biétot drues pi conséquentes, ch’étoait du meume cœup éne premiére pour chés pérolis régionnals éd France. Au moé d’janvieu 2011, chés pages is ont cangè d’brongne pour évnir lanchron.fr .
Chés pages d’échl Intarnéte ch’est du ramindo à ch’jornal « toute in picard ». Din lanchron.fr os démuchrez pu d’230 pages d’artiques qu’is sont écrits él pu souvint in français.
Ichi os érez éne tchote idèe d’échl in-ndin d’chol plache Intarnéte (aveuc 38 canchons à acouter, et pi un tchot dessin animè à rbéyer).
Prindez nné éne boéne panchie !
Glinchez din chl’arnitoéle (pi soin à n’point tchère !)
Biénvnu din « lanchron.fr » amon Ch’Lanchron !
|
Ch’mot d’billet
in picard
Nmandez-llé
ch’est gratis !
|
